نوصّل شغلك
للأوج.
شركة برمجة من الموصل. نسوي مواقع وتطبيقات وأنظمة إدارة للمحلات والشركات والأشخاص. نسلّمك نسخة شغّالة بسرعة، وبعدين نكبّرها وياك خطوة بخطوة.
من صفحة بسيطة لمحلك، لنظام يدير شركتك كاملة
نبدي بالشي اللي يحل مشكلتك اليوم، ونخطط وياك للي بعده.
مواقع الشركات
موقع سريع بالعربي والإنكليزي، يطلع بگوگل، وبي كتالوج منتجاتك وزر واتساب مباشر.
تطبيقات موبايل
تطبيق أندرويد وآيفون لزبائنك أو لموظفينك: طلبات، حجوزات، متابعة.
أنظمة إدارة
حسابات، مخازن، مبيعات، تكلفة وإنتاج. نظام واحد بدل الدفاتر والإكسل.
بوتات وذكاء اصطناعي
بوت واتساب يرد على زبائنك ٢٤ ساعة، ويجمع الطلبات، ويحوّل الصعب لموظف.
هوية رقمية
شعار، ألوان، قوالب منشورات، وتجهيز صفحاتك بانستا وفيسبوك وخرائط گوگل.
برامج حسب الطلب
عندك فكرة أو مشكلة ما إلها برنامج؟ نقعد وياك، نفهمها، ونبنيها.
أربع محطات من الفكرة للأوج
ما نختفي شهور ونرجع بشي ما يشبه اللي ببالك. تشوف الشغل يكبر قدامك بكل محطة.
نفهم الفكرة
جلسة وياك نحدد بيها المشكلة، والنتيجة اللي تريدها، والميزانية.
نسخة شغّالة
تستلم أول نسخة تگدر تفتحها وتجربها، مو صور وتصاميم بس.
الإطلاق
نعدّل على ملاحظاتك، ونرفع الشغل على الدومين، ونعلّمك تستخدمه.
الأوج
دعم وتطوير. نضيف المزايا حسب ما يكبر شغلك.
أسعار واضحة، تعرف شتدفع من البداية
كل باقة بيها دعم بعد التسليم. السعر النهائي يتحدد بعد ما نفهم شغلك.
صفحة الأعمال
للمحلات والمعارض والأشخاص اللي يريدون حضور محترم بسرعة.
- موقع صفحة وحدة بتصميم خاص
- كتالوج منتجات أو خدمات
- زر واتساب ومكالمة
- موقعك على خرائط گوگل
- تسليم خلال 5 أيام
موقع الشركة
للشركات اللي تريد موقع كامل تديره بنفسها.
- من 5 إلى 8 صفحات
- عربي وإنكليزي
- لوحة تحكم تضيف منها المنتجات والأخبار
- تجهيز للظهور بگوگل
- دومين واستضافة أول سنة
نظام أو تطبيق مخصص
للمعامل والشركات اللي تريد تدير شغلها ببرنامج واحد.
- ERP، حسابات، مخازن، أو حجوزات
- ويب وموبايل
- صلاحيات للموظفين
- تقارير وطباعة فواتير
- تدريب لفريقك
الأسعار بالدولار وتگدر تدفع بالدينار حسب سعر الصرف. الدفع على مرحلتين: نص بالبداية ونص عند التسليم.
برامج بنيناها لشغل حقيقي
بدينا ببرمجة أنظمة لمعمل السعدون للمطابخ والديكور. هسه نسوي نفس الشي لغيرنا.
موقع السعدون للمطابخ والديكور
شغّالموقع الشركة بمعرض أعمال وأنواع المطابخ وتواصل مباشر ويه الزبائن.
alsaadon.com ↗حاسبة الكلف والقص
مستخدم بالمعملتحسب كلفة المطبخ والكبتات وتطلع قائمة القص للألواح، بدل الحساب اليدوي.
cost & cut-list toolنظام المهام والتكتات
مستخدم بالشركةكل طلب أو مشكلة تنفتح إلها تكت، وتنعطى لموظف، وتتابع لحد ما تخلص.
ticket systemنظام ERP للمعامل
قيد التطويرمبيعات، ومخازن، وإنتاج، وحسابات، بنظام واحد مصمم لمعامل الأثاث والمطابخ.
ERP«مستشار»
قيد التطويرتطبيق قانوني للمحامين والموكلين بالعراق: قضايا، ومواعيد جلسات، واستشارات.
web + mobileبرنامج تصميم الأبواب والشبابيك
قيد التطويرتصميم الشباك وحساب القطع والكلفة مباشرة، لورش الألمنيوم والـ PVC.
design & cuttingنفهم شغلك لأن إحنا أصحاب شغل
صاحب أوج يدير معمل مطابخ وديكور بالموصل من 2008، ومهندس ومحامي. كل برنامج نبيعه جربناه أول شي على شغلنا.
- نسخة شغّالة قبل الوعودتشوف وتجرب خلال أسبوع، مو بعد شهور.
- عقد واضحكل شي مكتوب: شنو تستلم، وإيمته، وبكم.
- الشغل ملككالدومين والبيانات باسمك، مو محبوسة عندنا.
- ما نختفي بعد التسليمدعم وتطوير مستمر لما تحتاج.
احچيلنا عن فكرتك
دزلنا رسالة بالواتساب: شنو شغلك، وشنو المشكلة اللي تريد تحلها. نرد عليك بنفس اليوم ونرتب جلسة أولى مجانية.